Footer

Pagadalan, natakawan

SUYO, Ilocos Sur – Managsakbay daytoy a mannanakaw ta inunaanna dagiti mangisursuro a nagipakni kadagiti alikamenda iti pagadalan sakbay a maangay ti Eskwela Brigada iti Lunes, Mayo 15.

Iti report manipud iti police station ditoy nga ili, natakawan ti Baringcucurong Elementary School kadagiti ramit komunikasion a masuspetsa a naiwayat iti karabian ti Mayo 14.

Mismo a ni Prinsipal Norma Deg-aoan y Gagarin, 60, naasawaan, ken residente iti nadakamat a barangay ti nangireport ti panagtakaw idi agarup agarup 7:45 ti agsapa ti Mayo 15.

Naduktalan ni Deg-aoan ti panagtakaw idi mapan koma agsibog iti garden agsipud ta nakitana ti projector a naiwara iti iti likudan ti opisinana.

Idi nakita ti prinsipal a nadadael ti akinlikud a tawa ti opisinana, sinukimatna dagiti alikamenna ket ditoy a naammuanna nga awanen dagiti innem a Hasee HFMPB02 LED Monitor, one (1) Hasee HFMPB02 Host PC ken maysa a Pixpro Ishowx15000 projector nga agbalor amin iti sumurok kumurang P100, 000.00.

Di pay ammo dagiti nagtakaw. (Tawid News)

Comments are closed.