Footer

7 nagturpos iti UNP, nakapasa iti 2016 Bar Exams

VIGAN CITY – Pito manipud iti kadagupan a sangapulo ket pito a graduates ti University of Nothern Philippines (UNP) ti pimmasa iti 2016 Bar Exams a naiparuar ti resultana itay nabiit.

Karaman kadagiti nakaruar iti bar examination da Kristalyn Alvez, Ruth Ann Dolor , Mary Anne Foronda, Aimee Fortune Yadao, Blessie Aguinaldo ken Mary Jane Tubon.

Segun ken ni Atty. Angelito Eder, Dean ti College of Law iti University of Northern Philippines, kadagiti pito a babbai a nakaruar iti 2016 Bar Exams, lima kadakuada ti damona ti nageksamen idinto a dua ti nageksamen iti kapaminduana.

Kabayatanna, innem met a nagturpos iti abogasia iti Mariano Marcos State University ti nakapasa iti nasao met laeng nga eksamen.

Nainaganan dagiti baro nga abogado a da Jamaica Kay De la Cruz; Kathleen Ann Aguinaldo Bonador; Angeli Gapuzan; Phillbee Tejada; Kristelle Quiboyen; ken Anna Marie Antonio.

Iti kadagupan a 6,344 a nageksamen iti 2016 Bar Exams, agdagup iti 4,747 dagiti pimmasa, wenno 59.06 percent, maikadua a highest passing percentage manipud pay idi 1946.

Iti met umuna a gundaway, awan ti uray maysa a pagadalan iti Metro Manila ti nairaman iti top 10 kadagiti nageksamen.

Uppat a graduates manipud iti University of San Carlos idinto a tallo met a graduates manipud iti Silliman University ti nairaman iti top 10.

Dagiti topnotchers: Karen Mae L. Calam, University of San Carlos, 1st, 89.05%; Alanna Gayle Ashley Khio, Siliman University, 2nd place, 88.95; Fiona Cristy Lao, University of San Carlos ken Athalia Liong, Andres Bonifacio College, 3rd, 88.80; Allana Mae Babayen-On of University of San Agustin, 4th, 88.75; Justin Ryan Morilla, Ateneo de Davao University, 5th, 88.40; Mark Dave Camaraol of Northwestern University, 6th, 88.10; Anne Margaret Momongan of University of San Carlos, 7th, 87.80; Jefferson Gomez, University of San Carlos, 8th, 87.70; Nia Rachelle Gonzales, University of Batangas ken Marie Chielo Ybio of Siliman University, 9th place, 87.50; ken Andrew Stephen Liu, Siliman University, 10th, 87.45.

Maangay ti oath taking dagiti kabarbaro nga abogado iti Mall of Asia Arena inton Mayo 22, 2017. (Tawid News)

Comments are closed.