Footer

Balay ti trabahador, nauram

STO. DOMINGO, Ilocos Sur – Agbalor iti sumurok kumurang P200,000.00 ti dimmapo idi nauram ti balay ti maysa a trabahador sadiay Barangay Nambaran ditoy nga ili idi parbangon ti Mayo 7.

Maysa nga Edmund Tadios, residente iti nadakamat a barangay ti nangireport ken ni Barangay Kagawad Anastacio Tadios a maur-uram ti balay ni Norman Tadios y Tabil, 32, naasawaan, ken trabahador.

Nairana met nga agpatpatrolia iti nadakamat a barangay dagiti polis a pakaibilangan da SPO2 Benito T Ponce Jr and SPO1 Mario Fagela Rebollido ket tinawaganda ti Bureau of Fire Protection ti Sto. Domingo. Nagresponde pay ti BFP, San Ildefonso para iti pannakasebseb ti uram.

Di pay ammo ti nakagapu iti uram. Mapapati nga awan ti aggigian iti nasao a balay iti dandanin makabulan idi mauram daytoy.#

Comments are closed.