Footer

Illegal recruiter, naaresto

CANDON CITY – Awan ti piansa a nairekomenda para iti maysa a negosiante nga akusado iti illegal a panagrekruit iti korte ditoy siudad.

Idi Mayo 5, inaresto dagiti polis-Candon ni Gaudencia Valencia, a.k.a. Raymunda Gadut Valencia, 84, balo, ken residente iti Barangay Oaig Daya wenno Barangay Darapidap, Candon City babaen ti bileg ti alias warrant of arrest nga inyisio ni Judge Sixto D. Diompoc, presiding judge ti RTC Branch 72, Narvacan.

Akusado ni Valencia iti syndicated illegal recruitment a naipababaen iti Criminal Case No. 3099-N.

Natuntonan dagiti operatiba ni Valencia babaen ti maysa nga informant manipud iti BIN/EB nga adda daytoy iti Smurf Cottages a masarakan iti Barangay Darapidap, Candon City.

Naikustodia ti akusado iti Candon City police station para iti dokumentasion ken umisu a disposision.#

Comments are closed.