Footer

BANNER: Peke a recruiter, naipiskot iti palab-og ti polis-Sta. Cruz

STA. CRUZ, Ilocos Sur – Nagballigi dagiti polis a nangpalab-og iti maysa a peke a rekruter a nangbiktima iti dua a babbai nga agbirbirok iti trabaho iti ballasiw-taaw iti mismo a padala center a masarakan iti poblasion ditoy nga ili idi tengnga ti aldaw ti Hunio 5.

Kanaig daytoy, impilan ti Sta. Cruz police station ti kaso a panaglabsing iti RA 8042 ken estafa maikontra ken ni Marlon Barnachea y Ching, 35, awanan asawa, chef ken residente iti Barangay Pallogan, Tagudin, Ilocos Sur gapu iti panangballaibona kada Ednalyn Paredes y Pusayen, 36, awanan asawa, ken residente iti Brgy. AD109C-1 Upper Buyagan, La Trinidad, Benguet; ken ni Sharon Daoa y Singlitan, 31, awanan asawa, ken residente iti Sitio Butac, Barangay Man-Atong, Suyo, Ilocos Sur.

Segun iti police, agar-aramat pay ni Barnachea iti alias a Jayson Valdez, Arnel Valdez ken Arnel Jayson Valdez iti panagpammarangna a recruiter a nangballaibo kadagiti kayatda ti agtrabaho iti ballasiw-taaw.

Nagpatulong ni Paredes iti kapolisan ditoy agsipud ta saan metten a maputpot ti panagdawat ni Barnachea iti kuarta nga impatulodna babaen ti money padala iti las-ud ti tallo a bulan.

Impalgak ni Paredes nga agdagupen iti P75,800.00 ti naipatulodna iti suspek sipud pay idi Marso daytoy a tawen.

Naammuan pay dagiti inbestigador a nangted met ti sabali pay a biktima a ni Daoa iti P4,000.00 iti suspek idi Abril 12, 2017 kas pakauna a bayadna iti panagaplayna nga agtrabaho iti abroad.

Babaen ti tulong ti maysa kadagiti biktima, naipatulod ti P1,000 iti Smart Money Padala Account Number 5577519338357107 babaen ti Gallantel Smart Money Padala Center a masarakan iti Poblacion Este, Sta. Cruz idinto a nagpuesto dagiti polis-Sta. Cruz iti asideg ti nasao a padala center.

Apaman a nagparang ti suspek iti nasao a padala center, ginammatanen dagiti operatiba.

Nakumpiska iti ikut ti suspek ti maysa P500.00; 3 a sag-P100.00; 2 a sag-P50.00; maysa a P20.00; dua a voter’s ID, sedula, awan naggianna a simcard kits ken sling bag a naglaon iti assorted a beauty kits. (Tawid News)

Comments are closed.