Footer

Kuarta, alahas, natakaw iti balay

CANDON CITY – Pinanawan dagitoy agassawa nga awan tao ti balayda idi napanda nakipagselebrar iti piesta ti barangayda ket idi agsublida, naduktalanda laengen a sinerrek ti mannanakaw ti balayda a nakakurimesan ti kuarta ken alahasda.

Nagreport dagiti agassawa a Tarcenio Sabalo, residente iti Barangay Tablac iti polis ditoy a naduktalanda a naserrek ti balayda a natakawanda iti kuarta ken assorted nga alahas.

Iti panagimbestiga dagiti polis, napan nakipagselebrar dagiti agassawa iti piesta iti barangayda ket idi naggawidda iti balayda iti agarup alas tres ti parbangon idi Hunio 2 nadanonda laengen dagiti aruatenda a naiwarawara iti suelo ti balayda ken natakawanda iti P9,000.00 a kuarta ken P10,000.00 nga assorted nga alahas.

Simrek ti/dagiti mannanakaw iti uneg ti balay babaen ti likud a ridaw ket ditoy met laeng ti rimmuaranda kalpasan ti panagtakawda.#