Footer

Mangngalap, nabtakan iti bongbong, natay

MAGSINGAL, Ilocos Sur – Iti baet ti nainget a kampania maikontra iti illegal a panagkalap iti probinsia, adda latta dagiti sukir nga agsalungasing iti paglintegan nupay pagaammoda a bassit a liway, posible a pakaisagmakan ti biagda.

Maysa a balo a taga-Barangay Namalpalan ditoy nga ili ti naireport a natay gapu ta nabtakan iti iggemna a bongbong a dina naipalladaw a dagus kalpasan ti panangsindina.

Nainaganan ti biktima a maysa nga ken residente iti Barangay Namalpalan, ditoy nga ili.

Idi makadanon dagiti nagresponde a polis iti nadakamat a barangay kalpasan a naawatda ti report mainaig iti insidente, nadanondan ti bangkay ni Amado Tayaba y Unciano, 74, balo, a naipaidda iti rakit iti paarangan ti balayda.

Iti panagimbestiga dagiti otoridad, nagrakit nga agpabaybay tapno agkalapda idi agarup 5:00 ti bigat idi Hunio 8 da Tayaba ken maysa nga Alvin Alvarez y Santiago, 54, naasawaan, ken residente iti Barangay Manzante, Magsingal.

Idi addan dagiti dua iti kabaybayan, inruar ni Tayaba ti maysa a bongbong sana sinindian. Ngem sakbay a maipuruak ti biktima ti bongbong, bimtak daytoy a nagsagrapanna kadagiti sugat iti nadumaduma a paset ti bagina a puon ti nakatayanna. (Tawid News)

Comments are closed.