Footer

Motorista, dimmungpar iti barikada

STA. MARIA, Ilocos Sur – Barikada ti maar-aramid a kalsada iti Sitio Romas, Barangay Suso ditoy nga ili ti nakagapu iti pannakaaksidente ti maysa a motorista idi sardam ti Hunio 6.

Kas maibatay iti report, agpalaud a direksion idi agarup 7:28 ti sardam ti nadakamat a petsa ti Motoposh Typhoon 150 a minaneho ni Riczegel Yere y Ipac, 25, awanan asawa, residente iti Barangay Marnay, Sinait, Ilocos Sur idi dinungparna ti maysa a barikada a naikabil iti maar-aramid a kalsada iti nadakamat a barangay.

Naitaray ni Yere iti Sto. Nino Hospital, Sta. Maria, Ilocos Sur para ti pannakaagas dagiti dunorna.

Mapapati nga awan ti warning device iti sakbay ti barikada iti daytoy a paset ti kalsada isu a saan a nakita ni Yere a puon ti nakadungparanna iti daytoy ken nakapukawanna iti kontrolna iti manibela.#

Comments are closed.