Footer

6 a lugan, dinarusdos ti trak

NARVACAN, Ilocos Sur – Innem a lugan a pakaibilangan dagiti motorsiklo dagiti polis ti dinarusdos ti maysa a trak iti national highway partikular iti quarantine station iti Sitio Kakaldingan, Barangay Ambologan ditoy nga ili idi bigat ti Hunio 14.

Iti report ti kapolisan ti Narvacan, napaspas ti taray ti truck van a minaneho ni Edgar Maala y Santos, 45, naasawaan, residente iti B37 Maligaya, Novaliches, Quezon City, idi dinarusdosna dagiti innem a lugan a nakaparada iti igid ti kalsada iti dayta a bigat.

Karaman kadagiti dinarusdos ti truck van ti Raider R 150 a kukua ni PO2 Christian Ablog ti Barangay Mindoro, Vigan City, Ilocos Sur; Suzuki Raider 150 personal service ni POI Mark Raffy Ablog ti Mindoro, Vigan City; black Honda a kukua ni Jeofrey Pacleb ti Suso, Santa Maria, Ilocos Sur; Kawasaki GTX 150, a kukua ni Dennis Roldan ti Barangay Orence, Narvacan, Ilocos Sur; XR-200 Honda nga agserserbi a lugan ti RPSB; Moto RUSI SS200, NPN a kukua ni POI Lemuel Dominguez ti Nanguneg, Narvacan, Ilocos Sur; ken Viper bike a kukua ni POI Emerson Dela Torre of Brgy. Codoog, Narvacan, Ilocos Sur, ken ti quarantine signage.

Nakaro ti dadael ti sungo ti truck ngem awan ti naireport a nadunor iti aksidente.

Iti pannakaisurat daytoy, nakakustodia ni Maala iti Narvacan police station idinto a na-impound ti truck van iti Barangay Lungog, Narvacan, Ilocos Sur.#

Comments are closed.