Footer

Motorista, dimmungpar iti truck, natay

TAGUDIN, Ilocos Sur – Naideklarar nga awanen ti biag ti maysa a motorista iti nakaitarayanna nga ospital kalpasan a nainbolbar iti aksidente ti lugan iti national highway a sakup ti Barangay Poblacion Este, Sta. Cruz, Ilocos Sur idi parbangon ti Hunio 11.

Segun iti report, awan ti helmet ken lisensia ni Jomar Laberinto Yasay, 24, residente iti Barangay Sawat, Tagudin, Ilocos Sur idi nakidinnungpar iti Isuzu Elf a minaneho ni Albert Rabe Racca, 39, residente iti Barangay Mindoro, Vigan City.

Iti panagimbestiga dagiti polis, kalkalpas a nagdeliber iti manok ni Rabe ket rummuar koma ti Elf truck iti Bio Street tapno sumrek iti national highway idi dinungpar ti napakaskas a Euro single motorcycle a minaneho ni Laberinto ti makannigid a bakrang ti truck.

Gapu iti pigsa ti impact, naipalladaw ni Laberinto ket saanen a naidanon pay a sibibiag iti Candon City Hospital a nakaitarayanna.

Nakaro ti dadael ti sungo ti motorsiklo ti biktima.#

Comments are closed.