Footer

Empleado, nakumpiskaan iti paltog bayat ti Oplan Sita

VIGAN CITY – Iti baet ti kampania ti kapolisan maikontra iti loose firearms, nagtured daytoy nga empleado ti lokal a gobierno a nagikuyog iti paltog a kolorum pay met ngarud iti maysa a paginuman idi rabii ti Hunio 17.

Ngem malas ni Reynaldo Raga Reynon Sr., 56, naasawaan, empleado iti munisipio ti Sta. Catalina, Ilocos Sur ken residente iti Barangay Cabaroan, Sta. Catalina ta idi agarup 11:55 ti rabii ti nadakamat a petsa, nagiwayat ti kapolisan ditoy siudad iti Operation Sita iti Marble’s Bar a naginumanna a nagtungpal iti pannakasukalda nga adda ikutna a paltog.

Kinumpiska dagiti polis-Vigan paltog nga ikut ni Reynon a maysa a cal. 45 Norinco, addaan iti naasa a serial number nupay adda kuyogna a patrol order, photocopies ti Certificate of Firearms Registration for individual and Certificate of License to Own and Possess Firearm for Individual.

Naipababaen ni Ragasa iti medico legal examination sa naikustodia iti police station ti siudad bayat ti pannakaberipikar ti ikutna a paltog.#

Comments are closed.