Footer

Mannalon, nasukalan a nakabitin iti nagpanawan a balay

VIGAN CITY – Mapapati a problema a pinataud ti maiparparit nga ayat ti nakagapu iti panagbekkel ti maysa a mannalon idi rabii ti Hunio 17.

Segun iti report, idi 7:55 ti agsapa ti Hunio 18, nasukalan ni Claire Aguilar y Garabilez, 35, a nakabitin ti amana a ni Rodolfo Garabilez y Ruaquin, 56, a napulipolan iti tali nga abaka ti tengngedna iti uneg ti nagpanawan a balay iti abagatan a paset ti balayda.

Intaray dagiti nagresponde a polis ti biktima iti Candon City Hospital ngem indeklara ti doktor a nangtaming kenkuana nga awanen ti biagna a dimmanon iti ospital.

Iti panagimbestiga ti SOCO, awan ti nakitada a foul play iti crime scene.

Segun ken ni Claire, idi Hunio 2, 2016, maysa a babai ti nagturong iti balayda ket impalgakna nga adda relasionda iti amana a puon ti nagsubanganda.

Saan a nailanad iti journal no ammon ti asawa ti biktima nga agtrabtrabaho iti ballasiw-taaw nga adda sabali a babai iti biag ni lakayna.#

Comments are closed.