Footer

Babai, kaduana a nagtakaw, imbuking ti CCTV

VIGAN, Ilocos Sur – Imbuking ti closed circuit television camera ti maysa nga agpidpidut iti basura ken kaduana a lalaki idi tinakawda ti mountain bike ti maysa a negosiante iti mismo a paraangan ti balayna sadiay Barangay Capangpangan ditoy  siudad idi agsapa ti Hunio 26.

Nainaganan ti suspek a ni Marivic Perez Habab, 51, naasawaan, scavenger, ken residente iti Barangay 3, Vigan City ngem di pay nabigbig ti kaduana a lalaki a nangitaray iti Mountain Bike XTC ni Henry Pascual Tan, 51, naasawaan, negosiante, a nakaparada iti paraangan ti balayda iti nadakamat a barangay.

Mapapati a saan nga ammo dagiti suspek nga adda CCTV idi simrekda iti uneg ti inaladan ti negosiante idi agarup 5:00 ti bigat ti nadakamat a petsa sada  intaray ti mountain bike ni Pascual nga agbalor iti P30,000.00.

Iti pannakaisurat daytoy, birbiroken dagiti polis ni Perez ken ti kumplotna.#

Comments are closed.