Footer

5 nagubor iti Partas bus, nakasuan

SANTIAGO, Ilocos Sur – Lima a tattao ti nasaklangan iti kaso gapu iti pananguborda kadagiti bus itay nabiit.

Nakasuan iti malicous mischief maikontra kada Brigido Mina y Carayuan, Ruel Clemente y Morales, Dexter Apquid y Del Rio, Jeffery Tuogan y Antinio ken Jeson Mercado y Gandalera, residenteda amin iti Banayoyo, gapu iti pananguborda iti uppat a Partas bus iti national highway, partikular iti paglakuan iti letson sadiay Barangay Dan-ar ditoy nga ili.

Kabayatanna, nabigbigen ti suspek a nangbato iti maysa a van sadiay Magsingal idi rabii ti Hunio 21.

Nainaganan ti suspek a maysa a Jessie Pagador, taga-Barangay Naglaoaan, Sto. Domingo, Ilocos Sur.

Ngem segun iti Magsingal Police Station, nakaawatda iti a nakaawatda iti surat a naglaon iti apidabit manipud ken ni Arnel Castelo Gasiong, drayber ti van a saanen nga interesado pay a mangidarum ken ni Pagador.#

Comments are closed.