Footer

2 stay-in maids, masuspetsa a nangtakaw kuarta, alahas ti amoda

MAGSINGAL, Ilocos Sur – Dua nga stay-in maids dagiti suspek a nangkurimes iti kuarta ken alahas ti amoda a balasang sadiay Barangay Pantay Daya, ditoy siudad idi Hulio 27.

Inreport ni Marion Jenel Gorre Chan, 21, iti polis ditoy a nasukalanna a mapukpukaw ti kuartana a P7,000.00 a naikabil iti enbelop, sangaparis a balitok nga aritos, ken balitok a singsing nga agbalor iti P20,000.00 nga indissona iti rabaw ti lamisaan iti uneg ti kuartona ket suspetsana nga innala dagiti dua a katulongda nga innagananna a Jessa Mae Lacerna, 21, awanan asawa, ken Vangelyn Lima, 19, awanan asawa, ken agpada a natibo iti Leyte.

Kinuna ni Chan a suspetsa dagiti dua ti nagtakaw ta kellaatda a pimmanaw idi agarup 1:55 ti malem ti Hulio 27 a dida nagpakada kenkuana.

Iti pannakaisurat daytoy, mabirbirok pay dagiti dua a suspek.#

Comments are closed.