Footer

2 natiliw bayat panaglakoda tinakawda kalding

CABUGAO, Ilocos Sur – Dua a lalaki ti tiniliw dagiti polis bayat ti panaglakoda iti kalding a naireport a natakaw iti kataltalonan a nakaiwaywayanda idi Hulio 18, 2017

Segun ken ni Reyno Rey Agutos Ancheta, 38, residente iti Barangay Daclapan, Cabugao, inwaywayna ti kaldingna iti kataltalonan iti lugarda a Barangay Daclapan idi agarup 7:30 ti agsapa ti Hulio 18 ngem nasukalanna nga awanen ti tarakenna idi agarup 9:00.iti dayta met la a bigat.

Timmawag ti kaanakan ni Ancheta a dua a lalaki a nabigbig idi agangay a da Perry Summerhayes y Llanes, 25, baro, residente iti Barangay Magsaysay, Sinait, Ilocos Sur, ken ni Arnold Dela Cruz y Tinaza, 27, baro, residente iti Barangay Pug-os, Sinait. ti agilaklako iti kalding iti Torres Rice Mill a masarakan iti Barangay Bonifacio, Cabugao.

Nagresponde dagiti polis idi naawatda ti pulong ni Ancheta ket tiniliwda dagiti suspek sada impan dagitoy iti police station agraman ti traysikel a nangiluganda kadagiti dua a kalding a lakoda.#

Comments are closed.