Footer

Marihuana, pinag-ot, pinuoran kapolisan sadiay Alilem

ALILEM, Ilocos Sur -Nasurok sangagasut ken duapulo ket lima a pinuon ti mula a marihuana ti pinuoran ti nagtipon nga elemento ti kapolisan sadiay Sitio Lap-angan, Barangay Dalawa, ditoy nga ili idi bigat ti Hulio 18.

Kinuna ni Police Senior Inspector Jade Macaraeg, hepe ti polis ditoy, nasukalanda ti plantasion a pakatartaraknan ti 125 kapuon ti fully grown a mula a marihuana bayat ti marijuana eradication nga insayangkat ti nagtitipon a kameng ti Alilem police station, Ilocos Sur Provincial Drug Enforcement Unit, Ilocos Sur Provincial Intelligence Branch ken Philippine Drug Enforcement Agency ISSET nga indauluan ni PCI Andrew Rabang, Chief, Ilocos Sur Provincial Drug Enforcement Unit iti nadakamat a sitio idi agsapa ti Hulio 18.

Mapattapatta nga agbalor iti P25,000.00 dagiti napag-ot a mula a marihuana.

Kalpasan a pinag-ot dagiti opeatiba dagiti pinuon, pinuoranda dagitoy iti mismo a nakaimulaanda.

Sinaksian dagiti barngay officials a pakaibilangan da Kagawad Arvin Bangaoil ken Alano Lacondazo ti pannakapag-ot ken pannakapuor dagiti pinuon ti marihuana.

Nabigbig ti mangtartaraken kadagiti maiparparit a mula a maysa nga Ave Dingoasen ket agdama a birbiroken dagiti polis.

Kinuna ni Macaraeg a nangbagkatda laeng iti sumagmamano kapunggos a pinuon ti marihuana kas sample sada impan iti police station. Naibiahe ken naipaima dagitoy iti laboratorio ti PDEA RO1 para iti chemical examination.

Maisagsagana metten ti kaso a panaglabsing iti RA 9165 maikontra ken ni Dangoasen. (Tawid News)

Comments are closed.