Footer

2 menor edad, nagtakaw iti pagadalan

CERVANTES, Ilocos Sur – Menor de edad pay laeng dagitoy ngem natureddan a nangserrek iti maysa a pagadalan tapno takawanda. Malasda ta nakita ida ti maysa a katulong a nagbitbit iti tinakawda ket daytoy ti nangibuking kadakuada.

Segun iti report, nakita ni Nicaso Aguilar, helper, da Michael Cuya-an, 13, ken Jerick-al S. Lutong, 11, agpada a residente iti Barangay Comillas North ditoy nga ili a nagbitbit iti flashlight ken music box idi agarup 6:00 ti bigat ti Hulio 26.

Inannugot dagiti dua a sinerrekda dagiti pagklasean ti Comillas North Elementary School a pakairamanan ti kuarto ti prinsipal babaen ti panangdadaelda iti landok a barra ti comfort room sada puersado a linuktan dagiti kabinet ken drawers ngem awan ti nakurimesda a kuarta no di laeng ti music box.

Kalpasan ti pannakaipan dagiti suspek iti police station para iti dokumentasion, naipaimada iti opisina ti MSWDO gapu ta menor de edadda.#

Comments are closed.