Footer

Retirado nga empleado, napapapatay iti sango tiendaan

MAGSINGAL, Ilocos Sur – Tallo nga aldaw kalpasan ti pannakapapatay ti maysa a retirado nga empleado iti sango ti tiendaan ditoy nga ili, awan pay ti maitudo a suspek iti krimen.

Nupay kasta, kinuna ti kapolisan ditoy nga agtultuloy ti panagimbestigada mainaig iti nasao a pammapatay.

Napaltogan iti sango ti public market ni Bonifacio Tolentino y Tolentino, 72, retired government employee, bayat ti panagdiagingda nga agassawa idi agarup 4:00 ti bigat ti Hulio 27.

Kas maibatay iti journal, bayat ti panagdiaging dagiti agassawa iti sango ti tiendaan, sinurot ida dagiti suspek a nagkalugan iti motorsiklo ket pinaputokan ti maysa ti biktima iti nagsasaruno a nakatiruan ti nadumaduma a paset ti bagi daytoy.

Naglibas dagiti suspek kalpasan ti pammaltog a nagturong iti abagatan a direksion.

Nangiwayat dagiti nagresponde a polis iti hot pursuit operation maikontra kadagiti suspek ngem saandan a nasapulan dagitoy.

Intaray dagiti polis ti biktima iti Magsingal District Hospital ngem indeklara ti doktor a nangtaming kenkuana nga awanen ti biagna a naidanon iti balay-pagagasan.

Iti panangproseso ti SOCO iti crime scene, nakarekobreda iti lima a kapsula manipud iti cal. 45 ken 2 a deformed a naiputok a bala.

Di pay ammo ti motibo ti pammapatay. (Tawid News)

Comments are closed.