Footer

Akusado iti rape, child abuse, naaresto

STA. LUCIA, Ilocos Sur – Tiniliw ti nagtipon nga elemento ti kapolisan ti maysa a mannalon nga akusado iti dua a kaso sadiay Barangay conconig West, ditoy nga ili idi bigat ti Hulio 27.

Inaresto dagiti kameng ti Sta. Lucia police station iti panangidaulo ni Senior OIC, Inspector Beverly Galsi Magastino ken personnel ti
Regional Public Safety Battalion (RPSB 1) ni Romel Salavaria y Hermania, 31, residente iti Barangay Sapang, Sta. Lucia, Ilocos Sur babaen ti warrant of arrest nga inyisio ni Judge Rusty M. Naya ti RTC Branch 51, Tayug, Pangasinan.

Sumangsango ni Salavaria iti kaso nga attempted rape babaen ti Criminal Case No. T-6686 ken panaglabsing iti RA 7610 wenno child abuse babaen ti CC No. T-6687 nga addaan piansa a P120,000.00 ken P180,000.00.

Naikustodia ti akusado iti police station ditoy para iti dokumentasion ken disposision.#

Comments are closed.