Footer

Gimmatang iti tinnakawan, naaresto

CANDON CITY – Gapu iti kinalaka ti maitukon nga alikamen, adu latta dagiti maallukoy a gumatang uray masuspetsa a natakaw wenno nakurimes daytoy.

Leksion daytoy ti maysa a maestro kalpasan nga inaresto dagiti polis idi Hulio 11 gapu ta nakasuan a naglabsing iti anti-fencing law.

Imet dagiti polis idi inarestoda ni Pascua ti warrant of arrest nga inyisio ni Judge Mario Anacleto M. Bañez, Acting Presiding Judge ti RTC Branch 71, Candon City maikontra ken ni Edwin Valledor Pascua, 53, naasawaan, mangisursuro iti Narvacan National High School ken residente iti Barangay Camindoroan, San Juan, Ilocos Sur gapu iti panaglabsing daytoy iti PD 1612 wenno Anti-Fencing Law.

Naipababaen ti kaso ni Pascua iti Criminal Case No. 3994C ket nairekomenda nga agpiansa iti P40,000.00.

Ngem segun ken ni Pascua, malaksid nga insublina ti ginatangna a tinnakawan gayam, saan payen a naisubli ti kuarta nga inggatangna.#

Comments are closed.