Footer

Nadumaduma a paltog, balbala nakumpiska ti kapolisan iti search operation

VIGAN CITY – Nakaeskor manen ti kapolisan ditoy probinsia iti kampaniana maikontra iti agraira nga armas iti inwayatda a panagsukisok iti maysa a balay ditoy siudad idi malem ti Hulio 10.

Malaksid kadagiti sumagmamano a paltog ken nadumaduma ti klasena a balbala, nakasukain pay dagiti nagtitipon nga elemento ti Vigan City police station, CIDG, Ilocos Sur a nakabase iti Ilocos Sur Police Provincial Office, Bulag, Bantay, Ilocos Sur ken PIB Ilocos Sur, Police Provincial Office iti balay ni Jaris Paa Milan, 31, naasawaan, residente iti Barangay 6 ditoy siudad kadagiti nadumaduma a plaka a masuspetsa a naikkat manipud kadagiti natakaw a lugan.

Balligi a naiwayat dagiti polis ti panagsukisok iti balay ni Paa babaen ti bileg ti Search Warrant No. 9, series of 2017 nga inyisio ni Judge Francisco Ranches ti Municipal Trial Court of Cities, Vigan City a napetsaan Hulio 7.

Nasukainan iti balay ni Paa ti maysa nga MK2 fragmentary grenade; homemade buckshot ; 2 a caliber .45 (extended ken homemade); 2 nga air gun rifle caliber .22; 2 bladed weapons; ken nadumaduma a balbala para iti Gauge 12, Magnum 22, Caliber 22, Caliber 30, M14; Caliber 38, ken M60; malaksid kadagiti kapsula manipud iti Caliber 45 ken Caliber 38.

Nakasukain pay dagiti nagsukisok iti pito a detached a plaka a pakaibilangan ti ZG 2668, 9619 AE, 5732 AJ, 1241 ZQ, AQ 6970, 2940 UC ken 7446 AG).

Kinuna ti polis a mangiwayatda iti follow-up investigation no naggapu dagiti plaka kadagiti naireport a natakaw a lugan iti kallabes.#

Comments are closed.