Footer

Naglako iti gasolina, natiliw

MAGSINGAL, Ilocos Sur – Natiliw ti maysa a mangngalap bayat ti panaglakona iti produkto ti petroleo sadiay Barangay Puro ditoy nga ili idi sardam ti Agosto 8.

Tiniliw dagiti polis ni Joel Sebastian y Ragudo, 52, naasawaan, mangngalap, bayat ti panaglakona iti produkto ti petroleo iti nadakamat a barangay idinto nga awan ti permitna ken maysa a panaglabsing iti PD 1865 wenno illegal trading in petroleum and/or petroleum products.

Nasamsam iti ikut ni Sebastian ti 10 a litro ti gasolina a naikabil iti botelia ken 3 gallon a nagkarga iti produkto ti petroleo.

Naipan ni Sebastian iti police station para iti dokumentasion sa iti CIDG – Ilocos Sur PPO para iti disposision.#