Footer

Nakadungpar a tricycle driver, nakasuan

SANTA, Ilocos Sur – Nakasuan ti maysa tricycle driver gapu iti pannakatay ti drayber ti motorsiklo a nakadungparna sadiay Barangay Mabilbila Sur ditoy nga ili itay nabiit.

Naipila iti MCTC Narvacan-Nagbukel-Santa ti kaso a reckless imprudence resulting in homicide and damage to property ni Sunny Chris Avila y Pira, 33, naasawaan, tricycle driver, ket nai-docket daytoy iti babaen ti Criminal Case No. 5477-N.

Maipalagip a nadungpar ti sidecar ti Honda TMX tricycle a minaneho ni Avila ti Honda Wave motorcycle a minaneho ni Sixto Bedar y Baldovino, 60, iti national highway a sakup ti Barangay Mabilbila Sur, Santa idi malem ti Agosto 8.

Naitaray ni Bedar iti Gabriela Silang General Hospital ngem naideklara a dead on arrival gapu iti sugatna iti ulo.

Naruk-atan ni Avila iti kustodia ti Santa Police Station babaen ti release order nga inyisio ni Judge Geraldine B. Ramos kalpasan ti panagpiansana iti P15,000.00.#

Comments are closed.