Footer

Baro, nalmes iti aldaw ti kasangayna

STA. MARIA, Ilocos Sur – Nagtungpal iti trahedia ti selebrasion ti kasangay ti maysa a baro idi Agosto 13 agsipud ta napukawna ti biagna bayat ti panangalawna iti pannakalmes ti gayyemna.

Napasamak ti trahedia bayat ti panaglalangoy da Mark Joseph Ramboanga y Combis, 19, trabahador, ken residente iti Barangay Maynganay Norte ditoy nga ili, ken dagiti gagayyemna iti karayan ti Sta. Maria kas paset ti selebrasion ti kasangay ti biktima.

Segun iti report, nagpaarayat ni John Paul Cantorna, maysa kadagiti gayyem ni Ramboanga, ket pinadas ti biktima nga isalakan ngem ginuyod ti napigsa a koriente.

Nangiwayat ti Coastguard, MDRRMC, ken kapolisan ditoy nga ili iti rescue operation ket naalawda ni Ramboanga idi agarup 1:24 ti malem.

Intarayda ti damag iti Ilocos Sur District Hospital, Narvacan, Ilocos Sur ngem naideklarar daytoy a dead on arrival.#

Comments are closed.