Footer

Pagadalan, naserrek

BURGOS, Pangasinan – Lima a tattao ti nasukalan a nangserrek iti maysa a pagadalan ditoy idi parbangon ti Agosto 16 ket no saan a nakadlaw ti security guard, posible a nakurimesda dagiti kompiuter ken monitor.

Iti inisial a panagimbestiga dagiti nagreponde a polis, bayat ti panagrekorida ni Condrado Dumlao Busnila, 53, naasawaan, ken residente iti Barangay Sapa Grande, Burgos, nakitana nga adda tao iti maikadua a kadsaaran a nakaikabilan dagiti kompiuter ket pinukkawanna ti kaduana a guardia.

Ngem nakadlaw dagiti suspek ket dagusda a nagtataray iti saan nga ammo a direksion idinto a pinanawandan dagiti 11 a CPU ken monitor a nalpasen a naisako.

Nabati pay dagiti suspek ti 3 a sweater a nagmarka iti Tribal ken Cavaliers 23, shoulder bag a nagkarga iti bolt cutter, 3 flat screw drivers, plier ken flat bar.

Kas maibatay iti CCTV footage, nakastrek dagiti di pay nabigbig a suspek babaen ti panangputedda iti kandado ti computer room.#