Footer

Most wanted person ti Suyo, naaresto

SUYO, Ilocos Sur – Inaresto ti nagtipon a bunggoy ti kapolisan ti top 1 most wanted person ditoy nga ili, idi aldaw ti Agosto 16.

Nabigbig ti natiliw a ni Lolito Pascua y Lopez, 56, balo, drayber, ken residente iti Barangay Uso, ditoy met laeng nga ili.

Imet dagiti kameng ti PIDMB, Ilocos Sur PPO ken Suyo Police Station idi inarestoda ni Pascua ti warrant of arrest nga inyisio ni Judge Mario Anacleto M. Bañez ti Regional Trial Court, Branch 25, Tagudin, Ilocos Sur a napetsaan iti Agosto 15, 2017.

Sumangsango ni Pascua iti syndicated and large scale illegal recruitment a nai-docket iti babaen ti Criminal Case No. 1670-T.

Awan ti nairekomenda a piansa ni Pascua.#