Footer

2 akusado iti panagrames, naaresto

TAGUDIN, Ilocos Sur – Dua nga akusado iti panagrames ti inaresto dagiti polis iti nagsina nga operasion nga inwayatda sadiay Cabugao idi Agosto 23 ken ditoy nga ili idi Agosto 24.

Inaresto ti nagtipon nga elemento ti PIDMB ISPPO ken Cabugao police station ni Melvin Anor y Naval, 35, babaen ti bileg ti warrant of arrest nga inyisio ni Judge Raphiel F. Alzate ti RTC Branch 24, Cabugao.

Akusado ni Anor iti statutory rape babaen ti Criminal Case No. 3649-K ken rape babaen ti CC No. 3650-K ket awan ti nairekomenda a piansana.

Inaresto met ti polis-Tagudin ni Viralgo Javillonar y Realin, 26, awanan asawa, car washer, ken residente iti Barangay Farola, Tagudin babaen ti warrant of arrest nga inyisio ni Judge Mario Anacleto M. Bañez ti RTC, Branch 25, Tagudin.

Akusado ni Javillonar iti kaso a rape a nai-docket iti babaen ti Criminal Case No. 1670-T.

Awan ti nairekomenda a piansana, naikustodia ni Javillonar iti police station ditoy nga ili.#

Comments are closed.