Footer

2 balay natakawan

DAGUPAN CITY – Dua a balay ti naireport a nagsina a naserrek iti ili a Manaoag ken ditoy siudad idi Agosto 24 a nakatakawan dagiti ramit-komunikasion ken kuarta.

DAGUPAN CITY – Dua a balay ti naireport a nagsina a naserrek iti ili a Manaoag ken ditoy siudad idi Agosto 24 a nakatakawan dagiti ramit-komunikasion ken kuarta.

Iti umuna nga insidente, naireport iti police station ti Manaoag idi agarup 7:45 ti bigat daytoy a petsa ti panag-takaw iti balay ni Randy Guadiz y Aquino, 41, naasawaan, tindero, ken residente iti Zamora Street, Barangay Poblacion, ti nasao nga ili.

Saan a nabigbig dagiti mannanakaw.

Intaray dagiti di nabigbig a suspek ti maysa nga IPhone 6, maysa nga Apple Ipad, maysa nga IPhone 4, maysa nga Asus cellphone ken cash money nga P11,000.00.

Nakastrek dagiti suspek iti balay ni Guadiz gapu ta saan a nakaserra ti akinlaud nga sliding glass ti ridaw. Ditoy met laeng ti rimmuaran dagiti suspek kalpasan ti panagtakaw.

Kabayatanna, naserrek met ti balay ni Joeney Almazar y Magistrado, 49, naasawaan, drayber, ken residente iti Barangay Carael, ditoy siudad a mapapati a naiwayat idi parbangon ti Agosto 24.

Natiliw iti follow-up operation ti kapolisan dagiti suspek a da Mark Benson Serrano y Sandoval, 18, awanan asawa, tindero, ken ni Edwin Aguado y Tamayo, 21, residenteda met laeng iti nadakamat a barangay.

Nakalibas ti maikatlo a suspek a maysa nga Agay Wayco y Marinduque, kalugaran dagiti suspek.

Narekobre iti ikut dagiti suspek dagiti tallo a bag a naglaon iti maysa a Samsung J2 Prime, maysa a Samsung S7, maysa nga Iphone 5s, maysa a Seiko 5 wrist watch, maysa nga Armithun wrist watch, 7 nga assorted lotion, 6 nga assorted a bangbanglo, ken 13 a nagduduma a make-up assorted make-up a kukua amin ti biktima. (Tawid News)

Comments are closed.