Footer

3 bomba, naisuko iti polis

TAGUDIN, Ilocos Sur – Tallo a bomba a nasarakan ti maysa a mangngalap sadiay Barangay Sawat ditoy nga ili ti naipaima iti polis idi malem ti Agosto 24.

Mismo a ni Sangguniang Bayan Member Joseph Labador ti Tagudin ti nangireport iti police station a tallo a vintage bombs ti naipakni iti asideg ti akasia a masarakan iti barangayda.

Maysa a Fidencio Laberinto Lavaro, 48, mangngalap, ti nangitakdang kadagiti nasao a bomba a mapapati a nasarakanna bayat ti panagkalapna iti baybay. Impaknina dagitoy iti asideg ti akasia, sana impakaammo ken ni SBM Labador a nangipapakaammo met iti kapolisan.

Naipan dagiti bomba iti kustodia ti ISPPO bomb squad.#

Comments are closed.