Footer

Nagkupit a katulong, imbuking ti CCTV

VIGAN CITY – Nakasuan iti qualified theft ti maysa a katulong a nasukalan a nagkupit iti kuarta iti counter idi rabii ti Agosto 19.

Impaima a mismo ni Louie Arce Alquetra, 47, naasawaan, negosiante, ken residente iti Barangay Capangpangan ditoy siudad, iti polis ni Geymark Cristobal Catungal, 18, baro, ken residente iti Barangay Palang, San Quitin, Abra, kalpasan a natiliwan daytoy a nagkupit iti P1,000.00.

Nasukalan ti panagkupit ni Cristobal babaen ti footage ti nainstolar a CCTV camera idi agarup 9:58 ti rabii ti nadakamat a petsa.

Iti pannakaisurat daytoy, naidatagen ti kaso a qualified theft maikontra ken ni Cristobal iti city prosecutor’s office, Vigan City.#

Comments are closed.