Footer

Bangkay, binigbig dagiti kabagianna

NARVACAN, Ilocos Sur – Nabigbigen ti bangkay a nasarakan iti Sitio Kakaldingan, Barangay Lungog, ditoy nga ili idi agsapa ti Hulio 29.

Kinumpirma ni Sydney Binunag y Balanag, 42, naasawaan, ken residente iti Poblacion, Calanasan, Apayao, a ti kaanakanna a ni Alonzo Batayan, Jr. y Agulla, 23, ken kalugaranna ti nasarakan a bangkay sadiay Sitio Kakaldingan.

Kinuna ni Binunag a pimmanaw ni Batayan iti lugarda duan a lawas ti napalabas ket mapan koma iti Solsona, Ilocos Norte a paggianan ti inana nga addaanen iti pamilia ngem saanen a nagsubli. Mapapati nga adda sakit a mental ti biktima.

Kinuna ni Binunag a dina maawatan no kasano a nakadanon ni Batayan iti ili a paggigianan ti inana ken iti Narvacan, Ilocos Sur.#

No comments yet.

Leave a Reply