Footer

Depektibo a produkto mabalin isukat mamin-adu a daras: DTI

Ni Imelda C. Rivero, PIA 1, Ilocos Sur

VIGAN CITY – “Mabalin nga isukat iti mamin-adu a daras amin a depektibo a produkto a nagatang iti merkado publiko,” kinuna ni Roger Ragasa, agdama a trade and industry specialist ti Department of Trade and Industry iti Ilocos Sur.

Kinuna ni Ragasa kabayatan ti programa ti Philippine Information Agency – Ilocos Sur: Dap-ayan Pagdadapilan iti DZNS Radio Station iti Vigan, kas sagudayen ti Consumers Act of the Philippines wenno Republic Act No. 7394, saanen a mabalin ti “No Return, No Exchange” policy a nailanad kadagiti resibo iti pagtagi-lakuan.

Labsingen ti linteg ti pannakaipakat ti “No Return, No Exchange” policy gapu ta ibagbaga ti linteg nga addaan ti kalintegan dagiti umili wenno konsumer nga isukat ti gina-tangda a depektibo a produkto manipud iti “supplier” uray mamin-ano a daras,” kinuna ni Ragasa.

Segun ken ni Ragasa, naipasa ti RA 7394 tapno mapasing-kedan ti kalintegan ken kar-bengan dagiti aggatgatang wenno konsumer a naawagan ti 3Rs wenno “Repair, Replace and Refund.”

A kayatna a sawen a dagiti depektibo a produkto a naga-tang ket masapul a matarimaan iti biang ti naglako, maisubli wenno masukatan, ken maisubli ti kuarta a panaggatang no saan a kontento ti konsumer,” kuna ni Ragasa.

Mabalin pay nga isukat ti nagatang a depektibo a pro-dukto iti sabali a kita no maka-pagtulag a nasayaat ti gimma-tang ken ti gimmatanganna.

Kinuna ni Ragasa a no kas pagarigan napukaw ti resibo ti nagatang a depektibo a pro-dukto, agpaaramid ti gim-matang ti maysa nga ‘affidavit’ a mahuraran a mangibagbaga a masapul a masukatan ti nagatang a depektibo a pro-dukto.

No adda makita a “No return no exchange” iti resibo wenno iti paset ti pagtagilakuan mabalin nga ireklamo daytoy iti DTI,” kinunana pay ni Ragasa.

Imbalakad ni Ragasa kadagiti umili a masapul ti panagannad iti panaggatang iti produkto iti merkado publiko ken masapul nga ammuen dagiti karbengan ken obligasion kas aggatgatang.

Awan ti naituding a tiempo a mabalin nga isubli ti ginatang nga adda depektona; saan a mabalin nga ibaga ti nagga-tangan nga iti laeng las-ud ti makalawas ti panangisukat gapu ta ilegal daytoy kas sagudayen ti New Civil Code of the Philippines, kinuna ni Ragasa.#

Comments are closed.