Footer

Di nagtungpal pammilin ti korte, naaresto

CABUGAO, Ilocos Sur – Gapu iti dina panagparang iti korte para iti arraignment, naaresto ti maysa nga akusado sadiay Barangay Cuancabal a nagpaknianna idi rabii ti Agosto 4.

Imetda ti warrant of arrest nga inyisio ni Municipal Trial Court Judge Homer Jay D. Ragonjan , inaresto dagiti polis-Cabugao ni Erick Tyson Sambrano y Sambrana, 20, awanan asawa, iti nagpaknianna a barangay idi agarup 8:50 ti rabii ti Agosto 4.

Napaayaban ni Sambrano idi Hulio 20, 2017 tapno sungbatanna iti korte ti kaso nga slight physical injuries a naisaklang kontra kenkuana babaen iti Criminal Case No. 4408 nga addaan nairekomenda a piansana a P2,000.00 ngem saan a nagparang.

Gapu iti daytoy, idi Hulio 24, 2017, nangiyisio ni Judge Ragonjan iti bench warrant of arrest maikontra ken ni Sambrano.

Naipan ni Sambrano iti police station ditoy para iti umisu a disposision.#

Comments are closed.