Footer

Klepto, tinakawanna manen ti ulitegna

NARVACAN, Ilocos Sur – Nagpulong iti polis ti maysa a mannalon a natakaw dagiti alahas ken kamerana a mismo a ti kaanakanna ti intudona a nangkurimes kadagitoy.

Inreport ni Roleister Aquino y Cabello, 33, naasawaan, ken residente iti Barangay Orence, Narvacan, iti polis a natakaw ti dua a singsingna idi nagkasar, maysa a kuentas ken digital camera nga agbalor amin iti P25,000.00.

Nagsuspetsa ni Aquino iti kaanakanna a ni Marcus Erico y Bañez idi nadakamat ti kabsatna a nakitana ti suspek a ngimmato iti balayda idi nagbaetan ti 8:00 ken 11:00 ti rabii ti Agosto 26, lima nga aldaw sakbay a naduktalanna a mapukpukaw dagiti sanikuana.

Pinaayaban dagiti polis ni Erico ket inannugot daytoy a kinurimesna dagiti sanikua ni Aquino sana inkari ni Erico a bayadanna dagiti tinakawna.

Segun ken ni Aquino, maysa a kleptomaniac ti kaanakanna ket saanen a namnaminsan laeng a biniktimana idan.#

Comments are closed.