Footer

4 gallons cooking oil, nasiblok iti panaderia

STO. DOMINGO, Ilocos Sur – Maysa a panaderia ti naireport a natakawan idi Septiembre 11 babaen dagiti mapapati a kameng ti Salisi Gang.

Nagpulong iti polis ni Oscar Agaran y Villanueva, 43, natibo iti Batangas ngem residenten iti Barangay Nalasin, ditoy nga ili a natakaw ti uppat a gallon ti cooking oil a tagilako ti Vacunero Bakery a masarakan iti Barangay Vacunero idi agarup 3:30 ti malem ti Septiembre 11 ngem sana laeng naduktalan dua nga aldaw kalpasanna idi nakitana ti naipalaon iti footage ti closed circuit television a nainstolar iti sango ti balay ti maysa a Florentino Verzosa, Jr.

Kas maibatay iti footage, nagpammarang dagiti suspek a kustomer idinto a nagtatakderda iti sango ti nasao a bakery. Madamdama, binagkat ti maysa a lalaki dagiti cooking oil sana inkarga iti maysa a motorsiklo a dagus a pimmanaw.

Pimmanaw met kalpasanna dagiti sabali pay a mapapati a kakumplot dagiti mannibrong.

Mangnamnama dagiti polis ditoy a babaen ti footage ti CCTV, matiliwda iti mabiit dagiti mannibrong a masuspetsa a kameng ti Salisi Gang.#