Footer

2 paltog, balbala nakumpiska iti balay ti forest ranger

STO. DOMINGO, Ilocos Sur – Dua a paltog, dua a magazine assembly, ken balbala ti nakumpiska ti kapolisan bayat ti inwayatda a panagsukisok iti balay ti maysa a forest ranger sadiay Barangay Lussoc, ditoy nga ili idi agsapa ti Agosto 31.

Iti search operation nga inwayat ti polis-Sto. Domingo, nakakumpiskada iti maysa a caliber 380 Super Thunder Bersa SA nga addaan Serial No. A16301; 2 a magazine assembly para cal. 38; 14 a balbala; ken maysa a homemade 12 gauge buckshot iti balay ni Marino Tadeja y Tabag, 55, naasawaan, forest ranger a nakadestino iti DENR-CENRO, Bantay, Ilocos Sur.

Imet dagiti polis ti search warrant a pinirmaan ni Judge Francisco Ante, Jr. ti Municipal Trial Court in Cities, Vigan City, Ilocos Sur idi nagsukisokda iti balay ni Tadeja.

Naipan ti suspek ken dagiti nakumpiskada iti balayna iti police station ditoy para iti umisu a disposision.#

Comments are closed.