Footer

3 lalaki, natiliw agsusugal

MAGSINGAL, Ilocos Sur – Tallo a lalaki ti natiliw nga agtotong-it iti sirok ti salamagi sadiay Barangay Panay Sur ditoy nga ili idi Septiembre 20.

Nabigbig dagiti agsusugal a da Edgar Taasin y Taasin, 33, naasawaan; Charles Taasin y Tablit, 38, baro; ken Charles Taasin, 38, naasawaan, agpapadada amin a mannalon ken residente iti Barangay Panay Sur.

Dagus a nagresponde dagiti polis idi nakaawatda iti pulong ket naipiskotda dagiti suspek nga agtotong-it iti nadakamat a lugar.

Nakakumpiska dagiti polis iti baraha ken kuarta nga agdagup iti P50.00 iti pagtotong-itan dagiti tallo.

Naipan dagiti tallo agraman dagiti baraha ken kuarta iti police station para iti dokumentasion ken disposision.#

Comments are closed.