Footer

3 menor de edad, natiliw agwarangwarang iti kalsada bayat ti curfew

TAGUDIN, Ilocos Sur – Tallo a menor de edad ti nasalamaan dagiti polis nga agwarangwarang iti kalsada idi rabii ti Septiembre 7 iti baet a maipakpakaten ti curfew hours.

Natiliw dagiti tallo a menor de edad nga adda pay laeng iti langalang ti Barangay Rizal ken Bio iti baet nga alas 10:45 ti rabii ken adda maipakpakat a curfew hours.

Dua kadagiti natiliw ti agtawen iti 17, estudiante ken residente iti Barangay Becques ken Bucao East idinto nga out of school youth ti maikatlo ken residente iti Barangay Rizal.

Kalpasan ti pannakabagbagada, naipaima dagiti menor de edad iti MSWDO sakbay nga inyawid ida dagiti nagannak kadakuada.#

Comments are closed.