Footer

Kagawad, naduktalan a nagpason ti lisensia ti paltogna

VIGAN CITY – Naikustodia ti maysa a barangay kagawad kalpasan a naipulong a nagpason ti lisensia ti psltog nga indepositona iti maysa a paginuman ditoy siudad idi rabii ti Septiembre 3.

Ti makadakes, naduktalan dagiti nagresponde a polis a malaksid a nagpason ti lisensia ti paltog ni Jorge Domenden Bucay, 38, naasawaan, barangay councilor ken residente iti Barangay Ora East, Bantay, Ilocos Sur, awan pay ti naiparangna a permit nga agikuyog iti armas iti ruar ti pagtaenganna.

Intimbre ti di nainaganan a bouncer ti Lyric Bar ni Domenden iti polis idi nagpabigbig daytoy a maysa a konsehal ti nadakamat a barangay idi indepositona ti paltogna idi simrekda iti bar.

Nagpaso idi Marso 10, 2014 ti lisensia ti paltog ni Domenden a maysa a Norinco Pistol Caliber 45 ket adda nakasulbong a magasin a nagkarga iti 8 a bala.#

Comments are closed.