Footer

Grade VI pupil, nakoriente

LIDLIDDA, Ilocos Sur – Maysa nga agtawen iti 11 nga ubing ti naireport a nakoriente idi aglaba koma kadagiti aruatenna idi sardam ti Septiembre 19.

Awanen ti biag ni Legie Ann Mendez y Bangroy, Grade VI pupil, idi maidanon iti Saint Martin de Porres Hospital, Candon City, gapu iti pannakakorientena.

Segun iti report, idi agarup 7:30 ti sardam ti nadakamat a petsa, labaan koma ni Mendez dagiti lupotna ngem nakoriente idi insulbongna ti plug ti washing machine iti extension wire gapu ta nabasa gayam daytoy gapu iti panagtudona.

Idi agarup 8:00 iti dayta a sardam, nakita ni Reynaldo, agtawen iti walo a kabsat ni Legie Ann a nakadasay ti kabsatna ket nagpaarayat iti lolona.

Intarayda ti ubing iti ospital ngem indeklarar ti doktor a dead on arrival.#