Footer

Dati a board member, naaresto iti manhunt operation

SUYO, Ilocos Sur – Naaresto itay nabiit ti maysa a dati a kameng ti sangguniang panlalawigan babaen manhunt operation nga inwayat dagiti nagtipon nga elemento ti kapolisan.

Inaresto ti nagtipon a kameng ti police station ditoy ken PIB Ilocos Sur PPO ni Marlind Marcelo y Lopez, 66, instructor iti Camilo Osias, Balaoan, La Union babaen ti warrant of arrest nga inyisio ni Judge Alex I. Quirop ti Sandiganbayan, Quezon City.

Dati a board member iti Sarangani, Mindoro, akusado ni Marcelo iti panaglabsing iti malversation of public funds through falsification of documents ken Section 3 (e) ti RA 3019 ket naipababaen dagitoy iti Criminal Cases No. SB-11-0462 ken SB -11-0463.

Nairekomenda nga agpiansa ni Marcelo iti P40,000 ken P30,000 kadagiti kasona.

Naikustodia ni Marcelo iti police station ditoy nga ili.#