Footer

Akusado iti panagrames, naaresto

TAGUDIN, Ilocos Sur – Babaen ti bileg ti warrant of arrest nga inyisio ni Judge Mario Anacleto M. Banez ti First Judicial Region Branch 25, Tagudin, Ilocos Sur, inaresto dagiti polis ditoy nga ili ti maysa nga akusado iti panagrames idi malem ti Oktubre 16.

Inaresto dagiti polis ditoy ni Jugines Esperon y Balidoy, 56, balo, mannalon, ken residente iti Barangay Dardarat, akusado iti kaso nga acts of lasciviousness mainaig iti R.A No. 7610 ken rape by sexual assault a naipababaen iti Criminal Case No. 1677-T and 1678-T,

Nairekomenda nga agpiansa ni Esperon iti P180,000.00 ken P200,000.00 para iti temporario a wayawayan.

Naipan ti akusado iti police station ditoy para iti booking ken dokumentasion sakbay a naipresentar iti maseknan a korte.#