Footer

Paltog, balbala, nakumpiska iti taeng barangay captain

STA. CATALINA, Ilocos Sur – Nakaeskor ti kapolisan iti kampaniada maikontra iti loose firearms kalpasan a nagpositibo ti search operation nga impakatda iti balay daytoy idi agsapa ti Oktubre 27.

Babaen ti bileg ti search warrant nga inyisio ni Judge Francisco Ante, Jr. ti MTCC, Vigan City, sinukisok dagiti nagtitipon a kameng ti PIB, CIDG, PPSC ken police station ditoy nga ili ti balay ni Barangay Captain Chris Dancel Navarro, 36, naasawaan, ken residente iti Barangay Poblacion, a nagresulta iti pannakakumpiskada iti maysa a cal. 40 pistol a nagmarka iti Taurus, maysa a magasin ti cal. 40 a nagkarga iti 15 a balbala ken 24 nga empty fired cartridges case para iti cal. 40.

Nakalista ni Navarro a No. 1 High Value Target, Provincial Level iti Ilocos Sur Drug Directorate for Intelligence Watch List.

Nasaklangan iti daytoy met laeng nga aldaw ni Navarro iti kaso a panaglabsing iti RA 10591 iti provincial prosecutor’s office a nai-docket iti babaen ti NPS No. I-03-INQ-17J-00221. (Tawid News)

Comments are closed.