Footer

Bangkay ti drayber, timpaw iti waig

CANDON CITY – Kitkitaen ti kapolisan ditoy no adda foul play iti pannakatay ni Benjamin Pablico y Marinas a nakita idi agsapa ti Septiembre 25 a tumtumpaw ti bangkayna iti waig iti asideg ti maipatpatakder a rangtay iti Barangay San Nicolas ditoy siudad.

Nakita ti maysa a Romulo Cabreros y Soria, 57, residente iti Barangay San Pedro, Narvacan, Ilocos Sur ti tumtumpaw a bangkay ni Pablico, 55, naasawaan, drayber idi agarup 6:45 ti agsapa ti Septiembre 24.

Segun ken ni Ella, naudi a nakita ti lakayna iti Barangay Paras idi rabii ti Septiembre 23 a naggiinomanda kadagiti padana nga empleado ngem idi agarup 8:00 iti dayta met laeng a rabii, naggawid daytoy a naglugan iti bisikletana.

Mapapati a natinnag ni Pablico iti bisikletana a nakarasrasan ti mugingna sa naitapuak iti waig.

Nupay kasta, kitkitaen dagiti inbestigador no adda foul play iti pannakatay ni Pablico. #

Comments are closed.