Footer

Drayber, katulong, nabisto a mangipuslit iti welding rod

NARVACAN, Ilocos Sur – Naipulong iti polis ti dua a trabahador ti negosiante a mangipuslit iti maysa a box ti welding rod manipud iti maysa a pagtagilakuan ti Barangay San Jose ditoy nga ili idi malem ti Oktubre 4.

Nagpulong iti polis ni Bernadette Lim y Cauton, 52, naasawaan, negosiante, a nasukalanda da Eduardo Soria y Golosino, 25, naasawaan ken residente iti Brgy. San Pedro, Narvacan, Ilocos Sur ken Ryan Almazan y Ujano, 31, naasawaan ken residente iti Brgy. Dinalaoan, Narvacan, Ilocos Sur a nangipasirok iti maysa a box ti welding rod iti driver’s seat bayat ti panangiwayatda iti inspeksion kadagiti mairuar a contruction materials.

Ideliber koma dagiti dua dagiti construction materials iti Zone IV, Barangay Parparia, ditoy met laeng nga ili iti dayta a malem.

Naipan dagiti suspek iti police station para iti dokumentasion ken umisu a disposision.#

Comments are closed.