Footer

2 bus, nabansag, masapsapul 6 suspek

SINAIT, Ilocos Sur – Dua manen a bus ti naireport a nabato iti nagsina nga insidente iti las-ud ti dua nga aldaw sadiay Narvacan ken ditoy nga ili.
Nagpulong iti polis ditoy ni Saturnino Sibucao, Jr. y Aspili, 48, a binansag dagiti uppat a lalaki ti minanehona a Maria de Leon bayat ti panagdaliasatna iti national highway partikular iti Bimeklat Bridge a masa-rakan iti Barangay Pug-os ditoy met laeng nga ili idi agarup 12:15 ti parbangon ti Nobiem-bre 9.
Kas maibatay iti pulong ni Sibucao, nakasabatna dagiti suspek a nakalugan iti di nabigbig ti klasena a traysikel ket binansagda ti maikatlo a side window iti makannigid a paset ti bus.
Naglibas dagiti suspek a nagpaamianan.
Nangiwayat dagiti polis iti manhunt operation ken nakikoordinarda kadagiti nadumaduma a barangay ti ili ngem nakalusot dagiti suspek.
Immuna ngem daytoy, nag-pulong iti polis ni Nole Gueta y Gayon, 46, nga idi agarup 12:35 ti parbangon Nobiembre 7, binansag ti dua a lalaki ti minanehona a Partas bus bayat ti panagdaliasatna iti kalsada nasional ti Barangay Margaay, Narvacan a nakatiruan ti makannigid a paset ti bus.
Nagresponde dagiti polis ngem awan ti nasalamaan iti nasao a lugar. (Tawid News)