Footer

Grade 4 pupil, dinungpar ti motorsiklo a minaneho ti menor de edad

BANTAY, Ilocos Sur – Malaksid nga awan ti lisensiana nga agmaneho, awan pay helmet ken menor de edad daytoy drayber a nainbolbar iti aksidente iti national highway sadiay Barangay Cabaroan ditoy nga ili idi malem ti Nobiembre 9.

Iti police journal, dinungpar ni Carl Francis Pisquel y Reduque, 16, Grade 10 student ti Bantay National High School ken residente iti Barangay Sinabaan Bantay, ni Jasmine Anaque y Mercurio, 9, Grade 4 iti Bantay East Elementary School ken residente iti Barangay Cabaroan, Bantay Ilocos Sur bayat ti ibaballasiwna iti kalsada.

Kas maibatay iti report, adda ti biktima ken ti lolana a ni Luciana Anaque y Mercurio iti abagatan nga abaga ti kalsada idi bimmallasiw iti bangir ket aksidente a nasapgid ti Honda Wave motorcycle a minaneho ni Pisquel.

Naitaray ni Jasmine iti Metro Vigan Coperative Hospital idinto nga iti Gabriela Silang General Hospital ni Pisquel para iti pannakaagasda.#

Comments are closed.