Footer

Topmost wanted person ti Alilem, naaresto

ALILEM, Ilocos Sur – Inaresto dagiti nagtipon a kameng ti kapolisan ti maysa a mannalon kas panangipakatda iti pammilin ti korte ti Tagudin idi malem ti Nobiembre 6.

Idi agarup 5:30 ti malem ti nadakamat a petsa, inaresto ti nagtipon a personnel ti Alilem Police Station, Suyo Police Station, PIB Ilocos Sur PPO, CIDG Ilocos Sur, RID PRO 1 ken PDEA ISSET ni Ave Dingwasen y Litawen, 36, ken residente iti Sitio Lap-angan, Brgy. Dalawa, Alilem, Ilocos Sur babaen ti bileg ti warrant of arrest nga inyisio ni Judge Mario Anacleto M. Banez ti RTC Branch 25, Tagudin.

Akusado ni Dingwasen iti panaglabsing iti Section 16 ti RA 9165 a nai-docket babaen ti Criminal Case No. 1691-T a napetsaan iti Oktubre 30, 2107.

Segun iti polis, nakalista ni Dingwasen a top 1 most wanted iti municipal level.

Awan ti nairekomenda a piansana, naipan ni Dingwasen iti Alilem police station para iti dokumentasion ken disposision.#

Comments are closed.