Footer

2 babai, natiliw a nagpasupli iti peke a kuarta

TAGUDIN, Ilocos Sur – Nagballaag ti kapolisan iti publiko iti panangsukimatda a nalaing ti maipasupli kadakuada a kuarta kalpasan a dua a babai ti natiliw a peke ti kuartada iti ginatangda nga aruaten iti tiendaan publiko ditoy nga ili idi malem ti Nobiembre 21.
Inaresto dagiti polis da Richabelle Orenia y Mabilangan, 18, awanan asawa, residente iti Bagong Silang, Caloocan City ken Laarnie Tan Manalaysay, 18, awanan asawa, ken residente 9B Balubaran, Jaunita St., Valenzuela City kalpasan nga akto a nasukalan a peke ti P1,000.00 nga impasuplida idi gimmatangda iti RTW nga aruaten iti Tagudin Yellow Market idi agarup 4:30 ti malem ti nadakamat a petsa.
Naipaima ti kaso nga illegal possession of false treasury or bank notes maikontra kadagiti suspek iti Opisina ti Provincial Prosecutor.
Modus operandi dagiti mannibrong ti sumrek kadagiti pagtagilakuan nangruna ita nga umasideg ti Paskua, gumatangda iti bassit ti kantidadna a tagilako sada ipasupli ti peke a nabukel a P500.00 wenno P1,000.00. (Tawid News)

Comments are closed.